غزل
کوئی دیا سر دوش ہوا جلا دوں گا
ہوائے شہر ستم کو میں یوں سزا دوں گا
عدو کو اپنے میں اس طرح سے رلا دوں گا
کہ تیر کھا کے سر رزم مسکرا دوں گا
اگر شمار کروں آستیں کے سانپوں کو
تو اپنا حلقہء احباب ہی گنوا دوں گا
اگر کسی نے مجھےحوصلہ نہیں بخشا
میں اپنے آپ کو خود بڑھ کے حوصلہ دوں گا۔۔
جو خود کو حسن کا پیکر سمجھتا رہتا ہے
میں اب کی بار اسے آئینہ دکھا دوں گا.
پلٹ کے آئے گا وہ میرے پاس اے نوری
جو درمیاں سے فصیل انا گرا دوں گا
محمد ابراہیم نوری
درباره این سایت